Өглөөний 07:00 цагт Чингис Хаан олон улсын нисэх онгоцны буудал дээр очиж бүртгэлээ хийлгэнэ. Үүний дараа 09:10 цагт УБ-Истанбул чиглэлд ниснэ (нислэг 9цаг 20минут орчим үргэлжилнэ). Турк улсын нийслэл Истанбул хотноо өдрийн 13:30 цагт бууна. Ачаа тээшээ авч 15:40 цагт Истанбул-с Анталия хотын зүг орон нутгийн нислэгээр дамжин нисч 16:55 цагт зорьсон газраа хүрэлцэн очно. Онгоцны буудал дээр таныг буухад манай хөтөч угтан авах болно. Зочид буудлын зүг хөдөлнө. Буудал явах замдаа бүс нутгийн үзэсгэлэнт газрууд, түүх дурсгалт газрууд, соёлын танилцуулга хийгдэх болно. Оройн хоолоо зочид буудалдаа иднэ. Амралтын цаг.

Өглөөний 08:00 цагт зочид буудалдаа цайгаа ууна. Үүний дараа 09:00 цагт Анталия хотын алдартай арьс ширний дэлгүүрт зочилно. Та бүхэнд зориулсан загварын шоу үзэх болно. Дараа нь бид Дүдэн хүрхрээг очиж үзнэ. Энэхүү газраас бид хотыг бүхэлд нь харах, зураг авах боломжтой болно. Аяллаа дуусгаад зочид буудалруугаа буцна. Өдрийн хоолоо зочид буудалдаа иднэ. Дараа нь бид Анталия хотын үзэсгэлэнт далайн эргээр явган аялал хийх, наранд биеэ шарах зэргээр өөрийн тааваараа цагийг өнгөрөөх боломжтой байгаа. 18:30 цагт оройн хоолоо зочид буудалдаа иднэ.

Өглөөний 07:00 цагт зочид буудалдаа цайгаа ууна. Дараа нь буудлын өрөөгөө хүлээлгэн өгч Памуккале хотын зүг чиглэн аялалдаа гарна. Замдаа бид Турк амттаны дэлгүүрээр зочилно. Анталия хотоос Памуккале хотын зүг ойролцоогоор 3-3.5 цаг үргэлжилнэ. Замдаа тухайн бүс нутгийн байгалийн үзэсгэлэнт газруудыг танилцуулан явах бөгөөд өдрийн хоолоо замдаа иднэ. Памуккале хотод хүрэлцэн очсоны дараа хотын хамгийн том Чидун жимсний тос болон дарсны салоноор зочилно. Уг хотод байгалийн тогтоц бүхий дэлхийн 7 гайхамшгийн нэг болох травертенийг үзэж, танилцах болно. Мөн та нар жаргахыг травертен дээрээс харах болно. Дараа нь зочид буудалдаа байрлаж тухлан амарна.

Оройн хоолоо зочид буудалдаа иднэ. Хэрвээ та хүсвэл халуун рашаантай усан санд сэлж, алжаалаа тайлан амрах боломжтой.